سرمایہ کاری روکن لئی ٹوئٹ کرن والے اپنے ٹوئٹ توں انکاری نیں،عطا تارڑ

لہور(پنجابی میڈیا)وفاقی وزیراطلاعات عطا اللہ تارڑ نے آکھیا اے کہ سرمایہ کاری روکن لئی ٹوئٹ کرن والے اپنے ٹوئٹ توں انکار ی نیں۔لہور وچ میڈیا نال گل بات کر دیاں ہو یاں عطا اللہ تارڑ نے آکھیا کہ ساڈھی حکومت دے حلف چُکن دے بعدوں چنگے معاشی اعداد و شمار سامنے آ رہے نیں، عالمی جریدے وی ساڈھی کارکردگی دی گل بات کررہے نیں جدکہ ایس توں پہلاںڈیفالٹ دی گل ہندی سی۔اونہاں نے آکھیا کہ چین وچ ہونے والے سیمینار وچ100 پاکستانی کاروباری شخصتاں رَلت کرن گیاں،29مہینیاں وچ جنی مہنگائی گھٹ ہوئی اے اونہی پہلاں کَدی نہیں ہوئی۔وزیر اطلاعات دا کہنا سی کہ ڈیفالٹ دی گلاں کرن والیاںنوںمضبوط معیشت ہضم نہیں ہو رہی، سرمایہ کاری روکن لئی ٹوئٹ کرن والے اپنے ٹوئٹ توں انکاری نیں تے پوری پی ٹی آئی وچ قول و فعل دا تضاد اے۔