پی ٹی آئی نے متنازع ٹویٹ اُتے شکایت تے ایف آئی اے طلبی دے نوٹس نوں چیلنج کرد تا

اسلام آباد(بیورورپورٹ) پی ٹی آئی دی قیادت نے متنازع ٹویٹ بارے کمپلینٹ تے ایف آئی اے بلان دے نوٹس نوں چیلنج کر دتا۔ میڈیادے مطابق چیئرمین پی ٹی آئی گوہر خان، سیکرٹری اطلاعات رئوف حسن نے اسلام آباد ہائی کورٹ وچ درخواست دائر کردتی جس وچ سیکریٹری داخلہ، شکایت کنندہ ڈپٹی ڈائریکٹر ایف آئی اے تے تفتیشی افسر نوں فریق بنایا گیا اے۔درخواست وچ آکھیا گیا اے کہ بانی پی ٹی آئی دے ٹویٹر اکائونٹ توں ہون والے ٹویٹ دا مقصد پاکستان لئی یکجا ہون دادرس دینا سی، ٹویٹ دا مقصد ملک نوں بحران توں کڈن لئی نیشنل ڈائیلاگ دی چھتر چھاویں ترغیب دینا سی۔درخواست وچ آکھیا گیا اے کہ بانی پی ٹی آئی دے ٹویٹر اکائونٹ توں ہون والے ٹویٹ نوں سیاسی مخالفاں نے توڑ مروڑ کے پیش کیتا، سرکاری مشینری حرکت وچ آ ندی اے ایف آئی اے دے ڈپٹی ڈائریکٹر ولوں کمپلینٹ فائل کر دتی جا ندی اے۔