پاکستان وچ احتساب کرنا ممکن نہیں، میں ہمت ہار گیا ہاں،عارف علوی

لہور(پنجابی میڈیا)سابق صدر مملکت تے تحریک انصاف دے رہنما عارف علوی نے آکھیا اے کہ پاکستان وچ احتساب کرنا ممکن نہیں تے میں ہمت ہار گیا ہاں۔لہور وچ میڈیا نال گل بات کر دیاں ہو یاں عارف علوی نے آکھیا کہ سائفر کیس دا فیصلہ مناسب آیا، بلاوجہ کیس بنایا ہویاسی،جدوں سائفر آ ندا اے تے وزیراعظم طے کر دا اے عوام نوں آگاہی دینی اے یا نہیں۔سابق صدر دا کہنا سی کہ سارا ایلیٹ کلاس اوس دے خلاف اے کہ کوئی احتساب یا تحقیقات ہون، لوکاںنوں یقین اے پاکستان وچ انصاف نہیں ہوئے گا، میں تے ہمت ہار گیا ہاں، احتساب کرنا پاکستان وچ ممکن نہیں۔عارف علوی نے ہورآکھیا کہ رجیم چینج نال پاکستان نوں ارباں کھرباں دا نقصان ہویا، ایسے لو کاںنوں جی آیاں نوں آکھاں گے جیہڑے پاکستان وچ سرمایہ کاری کرن مگر ایس ویلے مقامی تاجر باہر جارہیا تے باہروں سرمایہ کار کسطرح آئے گا؟