کسی جماعت نوں سیاسی مقاصد لئی ججاں نوں بدنام کرن دی اجازت نہیں دتی جاسکدی،سپریم کورٹ بار

اسلام آباد(بیورورپورٹ)سپریم کورٹ بار ایسوسی ایشن نے آکھیااے کہ کسی سیاسی جماعت نوں سیاسی مقصد لئی ججاں نوں بدنام کرن دی اجازت نہیں دتی جاسکدی، وکلا برادری چیف جسٹس قاضی فائزعیسی دے نال کھڑی اے۔صدرسپریم کورٹ بار شہزاد شوکت، سیکرٹری سید علی عمران تے ایگزیکٹو کمیٹی نے اک بیان وچ آکھیا کہ اک سیاسی جماعت دے ترجمان دی چیف جسٹس خلاف پریس کانفرنس دی مذمت کر دے ہاں۔بیان وچ آکھیا گیا کہ چیف جسٹس نوںسیاسی جماعتاں دے کیس توں وَکھ ہون دا مطالبہ بے بنیاد مفروضاں اُتے مبنی اے، چیف جسٹس قاضی فائزعیسی نے ہمیشہ آئین تے قنون مطابق بہترین فیصلے د تے ، اگر کسے نوں کوئی اعتراض اے تے اوہ قنونی طریقہ اختیار کرے۔