اسلام آباد ہائی کورٹ داایکس کارپوریشن دے چیف لیگل کونسل نال رابطے دا فیصلہ

اسلام آباد(بیورورپورٹ)اسلام آباد ہائیکورٹ نے جسٹس بابر ستار خلاف سوشل میڈیا مہم تے فیملی دا ڈیٹا لیک کرن اُتے توہین عدالت دے معاملہ اُتے سماعت داتحریری حکم نامہ جاری کر دتا۔جسٹس محسن اختر کیانی، جسٹس طارق محمود جہانگیری، جسٹس سردار اعجاز اسحاق خان اُتے مشتمل 3 رکنی لارجر بنچ توں جاری حکم نامہ وچ عدالت داکہنا اے کہ ایف آئی اے سائبر کرائم ونگ ولوں اپنی رپورٹ دا جائزہ پیش کیتا گیا۔رپورٹ مطابق ٹویٹ کرن تے ری ٹویٹ کرن والے کجھ اکانٹاں دی تشخیص کیتی گئی اے، رپورٹ توں صاف ظاہر اے کہ معزز جج دے خلاف 3 ہیش ٹیگاں اُتے مبنی ایہ اک منظم مہم سی، ایف آئی اے حکام دے مطابق کجھ ہور اکانٹاںبارے معلومات آئندہ سماعت اُتے عدالت سامنے رکھیاں جان گیاں۔