آرمی چیف اُتے توہین مذہب دا ٹوئٹ ہوئے تے کیا آئی ایس آئی ایہی جواب دے گی کہ کجھ نہ ہوسکیا؟عدالت

اسلام آباد(بیورورپورٹ) جسٹس بابر ستار دے خلاف سوشل میڈیا مہم تے فیملی دا ڈیٹا لیک کرن اُتے توہین عدالت کیس وچ اسلام آباد ہائی کورٹ دے 3رکنی لارجر بینچ نے پچھلی سماعت دا تحریری حکم نامہ جاری کردتا۔میڈیا دے مطابق بینچ وچ جسٹس محسن اختر کیانی، جسٹس طارق محمود جہانگیری، جسٹس سردار اعجاز اسحاق خان شامل نیں۔ حکم نامے وچ آکھیا گیا اے کہ ایف آئی اے سائبر کرائم ونگ ولوں اپنی رپورٹ دا جائزہ پیش کیتا گیا، رپورٹ مطابق ٹویٹ کرن تے ری ٹویٹ کرن والے کجھ اکانٹ دی نشاندہی کیتی گئی اے، رپورٹ توں صاف ظاہر اے کہ معزز جج دے خلاف 3 ہیش ٹیگز اُتے مبنی ایہ اک منظم مہم سی۔حکم نامے وچ آکھیا گیا اے کہ ایف آئی اے حکام مطابق کجھ ہور اکانٹ بارے معلومات آئندہ سماعت اُتے عدالت سامنے رکھیاں جان گیاں، ایف آئی اے ولوں ایکس انتظامیہ نوں وی ایمرجنسی ریکویسٹ گھلیاں گئیاں نیں، دوران سماعت ایڈیشنل اٹارنی جنرل ولوں آئی ایس آئی دی رپورٹ جمع کرائی گئی مگر بڑی مایوسی دے نال کہنا پہ رہیا اے کہ آئی ایس آئی دی رپورٹ انتہائی نکافی اے۔