گورنر دیاں گڈیاں بند تے گورنر ہاوس توں کَڈ دیاں گا،وزیراعلی

پشور(بیورورپورٹ)وزیراعلی خیبر پختونخوا علی امین گنڈا پور نے آکھیا اے کہ گورنر دیاں گڈیاں بند کردیاں گا تے اونہاں نوں گورنر ہائوس توں کَڈ دیاں گا۔پشور وچ میڈیا نال گل بات کر دیاں ہو یاں وزیراعلی کے پی علی امین گنڈا پور نے آکھیا کہ گورنر تے اوس دالیڈر دونوں چور نیں۔گورنر دیاں گڈیاں بند کرکے اونہاں نوں گورنر ہائوس توں وی کَڈ دیاں گا۔ گورنر دی حیثیت ایہ اے کہ ایہ ساڈھے تیناں بھائیاں توں ہریا اے۔ اونہاں نوں سیاسی شہید نہیں بنن دیاں گے سیاسی مردار کراں گے۔وزیراعلی کے پی دا ہور کہنا سی کہ وفاقی بجٹ توں پختونخوا دے منصوبے ختم کرنا کم ظرفی اے۔ اسیں اپنا حق لینا جا ندے ہاں احتجاج لئی تیار ہاں۔اونہاں نے آکھیا کہ نا اہل حکمراناں توں ملک نہیں چل رہا۔ ایہ ساڈھے سراں اُتے سوار نیں تے اسیں سروں اتارنا جا ندے ہاں۔ اسیں محاذ آرائی نہیں کر رہے بلکہ اپنا حق منگ رہے ہاں۔