سود بارے فیصلے خلاف16بینکاں نے حکم امتناعی لیا،مصطفی کمال

اسلام آباد(بیورورپورٹ)متحدہ قومی موومنٹ دے رہنما مصطفی کمال نے آکھیا اے کہ سود بارے شرعی عدالت دے فیصلے خلاف16بینکاں نے حکم امتناعی لے لیا اے۔سپریم کورٹ باہر میڈیا نال گل بات کر دیاں ہویاں ایم کیو ایم پاکستان دے رہنما مصطفی کمال نے آکھیا کہ سودی نظام نال ملک وچ خوشحالی نہیں آسکدی، اوس دن پریس کانفرنس وچ سود بارے کیس اُتے توجہ دلائی سی، جس اُتے اعلی عدلیہ توں غیر مشروط معافی منگی اے، سپریم کورٹ وچ توہین عدالت کیس وچ فروغ نسیم نے معاونت کیتی تے میں عدالت توں غیر مشروط معافی منگی اے۔اونہاں نے آکھیا کہ عدالت نے آکھیا اے کہ اگر تُسی سمجھدے او کہ تُسی توہین عدالت نہیں کیتی تے فیر معافی کیوں منگی، جس اُتے میرے وکیل نے عدالت نوں دسیا کہ اگر تہانوں لگدا اے تے ایس بیان وچ کوئی ایسی چیز اے جس نال تہاڈا وقار مجروح ہویا تے اسیں غیر مشروط معافی منگدے ہاں۔