دورہ چین: وزیراعظم شہباز شریف دی اج اہم ملاقاتاں
اسلام آباد(بیورورپورٹ)وزیراعظم محمد شہباز شریف اپنے5دن دورہ چین دے پہلے مرحلے وچ شینزن وچ موجود نیں جیتھے اونہاںدی اج اہم ملاقاتاں نیں۔وزیراعظم اج پاک چائنہ بزنس فورم وچ رَلت کرن گے، سی پیک دے دُوجے مرحلے تحت پاکستانی تے چینی کمپنیاں دے وچکار مختلف شعبیاں وچ تعاون تے شراکت داری لئی فورم اک اہم سنگ میل ثابت ہوئے گا۔وزیراعظم فورم وچ گل بات وی کرن گے جدکہ شہباز شریف فورم دے دوران معروف چینی ہائی ٹیک کمپنیاں دے سربراہاں نال وی ملاقاتاں کرن گے۔بعد وچ وزیراعظم شہباز شریف نانشان ون ونڈو، شینزن میوزیم تے ہواوے دے ہیڈ کوارٹراں دا دورہ وی کرن گے۔
