عوام مسائل دا حل چا ہندی اے تے چیف منسٹر وزیراں نال سختی کرے،بلاول بھٹو
کراچی(بیورورپورٹ)پاکستان پیپلز پارٹی دے چیئرمین بلاول بھٹو زرداری نے آکھیا اے کہ عوام نے ساہنوں مینڈیٹ دتا، ہُن ساہنوں ڈلیور کرنا چا ہیدا اے، عوام نفرت والی سیاست دی بجائے مسائل دا حل چا ہندی اے، چیف منسٹر نوں وزیراں دے نال ہُن تھوڑی سختی کرنا پئے گی۔پی پی پی سندھ دے پارلیمانی اجلاس نال خطاب کر دیاں ہویاں چیئرمین پاکستان پیپلز پارٹی نے آکھیا کہ الیکشن تے لَنگ چکے نیں، پیپلز پارٹی نے تریخی کامیابی حاصل کیتی، ہُن فوکس کرنا ہوئے گا کہ محدود وسائل وچ مسائل نوں کسطرح حل کیتا جا سکدا اے، اراکان اسمبلی دا عوام نال رابطہ جاری رہنا چا ہیدا اے، اراکان اسمبلی نوں عوام نوں ویلا دینا پئے گا، ساہنوں محدود وسائل نال گورننس نوں بہتر کرنا ہوئے گا۔
