وزیراعلی پنجاب دی دارالامان وچ وَسدیاں10عورتاں نوں حج اُتے گھلن توں پہلاں ملاقات

لہور(پنجابی میڈیا)وزیراعلی پنجاب مریم نوازشریف نے دارالامان وچ وَسدیاں10عورتاں نوں حج اُتے گھلن توں پہلاں ملاقات کیتی۔پاکستان مسلم لیگ دے قائد نواز شریف وی بزرگ عورتاں دی خواہش اُتے ملن لئی آ گئے، ایس موقع اُتے ہدایت جاری کر دیاں ہو یاں وزیراعلی پنجاب مریم نواز شریف نے آکھیا بزرگ عورتاں ساڈھیاں ماں جہیاں نیں، اونہاں دا بوہت خیال رکھیا جائے، کوئی تکلیف نہ ہوئے ۔مریم نواز شریف دا کہنا سی تُسی پاکستان لئی بوہت ساریاں دعاواں کرنیاں نیں، اللہ تعالی وطن عزیز دی خیر کرے، اللہ نے وعدہ پورے کرن دی توفیق دتی،مینوں تہاڈے حج اُتے جان دی بوہت خوشی اے۔