مسلم لیگ ن دے سینئر رہنما محمد زبیر دا پارٹی چھڈن دا اعلان

کراچی(بیورورپورٹ)مسلم لیگ ن دے سینئر رہنماتے سابق گورنر سندھ محمد زبیر نے پارٹی چھڈن دا اعلان کر دتا۔نواز شریف دے سابق ترجمان محمد زبیر دا اپنے بیان وچ کہنا سی کہ کافی عرصہ پہلاں ن لیگ چھڈن دا فیصلہ کر لیا سی ، ہُن فیصلہ کر لیا اے کہ مسلم لیگ نون نوں خیر باد کہہ دیاں۔اونہاں نے آکھیاکہ تَد تک پارٹی دے نال ساں جدوں تک سویلین بالادستی دی گل ہو رہی سی، ہر قیمت پاور وچ ہی رہنا اے تے بوہت مشکل ہو جاندا اے، پارٹی دا موقف تبدیل ہوگیا سی فیر ہونا ای بہتر سی، میں کافی عرصے توں کلیئر کر دتا سی۔اونہاں دا کہنا سی کہ تحریک عدم اعتماد تے پی ڈی ایم دی16مہینے دی کارکردگی سنے مختلف ایشواں اُتے اختلافات سن، اسیں عوام دے بھروسے اُتے سیاست کرنی سی، عوام اُتے ساڈھا اعتماد سی، ووٹ نوں عزت دیو دا نعرہ ساڈھا سی۔