آئی ایم ایف تے حکومت دے وچکار مذاکرات بے نتیجہ ختم

اسلام آباد(بیورورپورٹ)آئی ایم ایف تے پاکستان دے وچکار مذاکرات دے اک ہور رانڈ بے نتیجہ ختم ہوگئے۔مذاکرات وچ فریقیاں دے وچکارتنخواہ دار تے غیر تنخواہ دار طبقے اُتے نویں انکم ٹیکس ریٹس، زراعت تے ہیلتھ سیکٹر اُتے18 فیصد سیلز ٹیکس دے عائد کیتے جان اُتے اتفاق نہیں ہوسکیا۔ذرائع دا کہنا اے کہ مذاکرات وچ4لکھ67ہزار ماہانہ توں وِدھ کمان والے تنخواہ دار تے غیر تنخواہ دار طبقے اُتے45 فیصد انکم ٹیکس عائد کرن اُتے بحث ہندی رہی، ایس ویلے سب توں وَدھ انکم ٹیکس 5 لکھ روپے ماہانہ کمان والے افراد اُتے35 فیصد عائد اے لیکن فریقیاں نے ایکسپورٹراں اُتے انکم ٹیکس ودھان اُتے اتفاق کرلیا، جنہاں نے ایس ورھے صرف 86 ارب روپے دا ٹیکس جمع کرایا اے، جیہڑا کہ تنخواہ دار طبقے ولوں جمع کرائے گئے ٹیکس توں 280 فیصد گھٹاے، پاکستان نے پینشن اُتے ٹیکس لان لئی وی آمادگی ظاہر کیتی اے۔