سابق وفاقی وزیر اسد عمر طبیعت خراب ہون اُتے اسپتال منتقل

کراچی(بیورورپورٹ)سابق وفاقی وزیر اسد عمر نوں طبیعت ناسازی اُتے سندھ ریسکیو1122 دی ایمبولینس وچ کلفٹن دے نجی اسپتال منتقل کر دتا گیا۔تفصیل دے مطابق سابق وفاقی وزیر اسد عمر دی طبعیت ناساز ہوگئی تے اچانک طبیعت وگڑن اُتے اسد عمر نے ریسکیو ایمبولینس1122توں رابطہ کیتا جس اُتے سندھ ریسکیو ایمبولینس1122 پنج منٹ وچ اسد عمر نوں گھروں اسپتال پہنچان پہنچ گئی۔سابق وفاقی وزیر نوں کمر وچ درد دی شکایت ا تے گھروں اسپتال منتقل کیتا گیا۔اسد عمر نے ریسکیو ایمبولینس 1122 دی تعریف کر دیاں ہو یاں آکھیا کہ اوہ ہمیشہ سندھ ریسکیو 1122 دی ایمبولینس سروس استعمال کر دے نیں، اک زبردرست سروس اے تے ایمبولینس سروس بین الاقوامی معیار دی اے جدکہ اسٹاف وی پیشہ ورانہ صلاحیت رکھدا اے، کراچی وچ ایہ سروس کسی نعمت توںگھٹ نہیں ۔