وزیراعلی پنجاب دا وزارتاں تے محکمیاں دی ری اسٹرکچرنگ دا فیصلہ

لہور(پنجابی میڈیا) پنجاب وچ وزارتاں تے محکمیاں دی ری اسٹرکچرنگ دا فیصلہ کیتا گیا اے جس دے تحت فالتو، نکمے تے خساریاں دے شکار اداریاں دی ڈان سائزنگ کیتی جائے گی۔وزیراعلی پنجاب مریم نواز نے ری اسٹرکچرنگ دے منصوبے دی منظوری دے دتی۔منصوبے تحت اک ہی کم کرن والے اداریاںنوں ضم کیتا جائے گا، وزارتاں دا حجم گھٹ کرکے سرکاری کماںدی انجام دہی وچ آسانی پیدا کیتی جائے گی ری اسٹرکچرنگ تے ڈان سائزنگ نال اداریاں دی کارکردگی تے عوامی خدمت دے عمل نوں سادہ، آسان تے تیز بنایا جائے گا جدکہ ری اسٹرکچرنگ تے ڈان سائزنگ نال ارباں روپے دی بچت ہوئے گی۔حکومت دے سالانہ خرچے گھٹ ہون نال مالی گنجائش وی ودھے گی۔