پی ٹی وی دی معروف آواز، نیوز کاسٹر تسکین ظفر ہمیشہ لئی خموش ہوگئی
لہور( پنجابی میڈیا)پی ٹی وی نیوز تے ریڈیو پاکستان دی سابقہ معروف نیوز کاسٹر تسکین ظفر بیماری توں بعد انتقال کر گئیاں۔تفصیل دے مطابق پاکستان ٹیلی ویژن نیوز دی ہر دلعزیز آواز ہمیشہ لئی خموش ہو گئی، پی ٹی وی نیوز دی معروف نیوزکاسٹرتسکین ظفر انتقال کر گئیاں، اونہاںدی نماز جنازہ اج سہ پہر راولپنڈی وچ ادا کیتی جائے گی۔تسکین ظفر نے 80 دی دہائی وچ ریڈیو پاکستان توں اپنا کئریرشروع کیتا جس دے بعد اوہ پاکستان ٹیلی ویژن دے نال بطور نیوز کاسٹر اک لمبے عرصے تک منسلک رہیاں۔تسکین ظفر اپنے لفظاں دی ادائیگی تے مخصوص لہجے پاروں عوام وچ مقبول سن۔
