نچن والے گھوڑے میداناں وچ نہیں دوڑدے،گورنر کے پی دا علی گنڈاپور نوں جواب

خیبر پختونخوا(بیورورپورٹ) گورنرفیصل کریم کنڈی تے وزیر اعلی کے پی علی امین گنڈاپور اک وار فیر آمنے سامنے آگئے۔پچھلے دناں سوات وچ جلسے نال خطاب وچ وزیراعلی خیبر پختونخوا علی امین گنڈا پور نے ہور ٹیکس دین توں انکار کر دیاں ہویاں صوبے وچ ٹیکس دی گل کرن والیاں نوں دھمکی دتی سی۔اونہاں نے دھمکی دیندیاں آکھیا کہ خیبرپختونخوا وچ ہور ٹیکس نہیں لان دیاں گے، ا گے پیراں اُتے جا گے کندھوں اُتے۔علی امین گنڈا پور دی ایس دھمکی اُتے گورنر کے پی فیصل کریم کنڈی وی جواب دتیوں بغیر رہ نہ سکے تے آکھیا کہ نچن والے گھوڑے میداناں وچ نہیں دوڑ دے۔اونہاں نے آکھیا کہ جس اُتے اپنے صوبائی وزیر دے قتل دا کیس ہوئے اوس نوں کون رشتے دار آکھے گا؟ جس اُتے9 مئی واقعے دا الزام ہوئے اوس نوں کون رشتے دار آکھے گا؟ چنگا ہویا وزیراعلی نے کہہ دتا کہ اوہ میرے رشتے دار نہیں، کوئی چنگا کم دسن جیہڑا وزیراعلی نے کیتا ہوئے۔