تحریک انصاف دا ہتک عزت بل خلاف عدالت جان دااعلان

لہور(پنجابی میڈیا)پاکستان تحریک انصاف نے ہتک عزت بل خلاف عدالت جان دا اعلان کر دتا۔پنجاب اسمبلی وچ اپوزیشن لیڈر ملک احمد خان بھچر نے پنجاب حکومت دی100دناں دی کارکردگی اُتے کڑی تنقید کر دیاں ہویاں آکھیا کہ ٹک ٹاکر پنجاب حکومت دی100دن دی کارکردگی کیہ اے؟ ہتک عزت بل اونہاںدی 100 دن دی کارکردگی اے۔اونہاں دا کہنا سی کہ ہتک عزت بل اُتے بلی تھیلے توں باہر آچکی اے، پیپلز پارٹی جمہوری جماعت ہون دا دعوی کر دی اے لیکن ہتک عزت قنون اُتے اونہاں دا کیہ کردار اے؟ پیپلز پارٹی دے گورنر باہر دے ملک چلے گئے، سپیکر قائم مقام گورنر بنیا تے بل اُتے دستخط کر دتے۔’’ن لیگ تے پیپلز پارٹی اک ہی سکے دے2رخ نیں‘‘اونہاں نے آکھیا کہ بانی پی ٹی آئی عمران خان پہلاں ہی کہندے سن کہ ن لیگ تے پیپلز پارٹی اک ہی سکے دے 2رخ نیں، تحریک انصاف صحافیاں دے نال اے، ہتک عزت بل نوں عدالت وچ چیلنج کراں گے۔