ون چائنہ پالیسی اُتے یقین، چین معدنیاتی شعبے وچ وی تعاون کرے گا،احسن اقبال

نارووال(بیورورپورٹ)وفاقی وزیرمنصوبہ بندی احسن اقبال نے آکھیا کہ پاکستان ون چائنہ پالیسی اُتے یقین رکھدا اے، چین معدنیاتی شعبے وچ وی پاکستان نال تعاون کرے گا۔وفاقی وزیر منصوبہ بندی احسن اقبال نے پریس کانفرنس کر دیاں ہو یاں آکھیا کہ چین نے ہرمشکل ویلے وچ پاکستان دا ساتھ دتا، نیو گوادرانٹرنیشنل ایئرپورٹ وی ایس سال آپریشنل ہو جائے گا۔احسن اقبال نے آکھیا کہ سائنس و ٹیکنالوجی بارے چین دے نال معاہدہ ہویا اے، چین نے زرعی تعاون ودھان دی یقین دہانی کرائی، چین دے تعاون نال سیارہ گھلن نال انٹرنیٹ دی سہولت بہترہوئے گی۔وفاقی وزیر دا ہور کہنا سی کہ چین نے کلائمنٹ چینج بارے وی تعاون دا یقین دلایا اے۔