پاکستان دی ترقی ملک دشمناں نوں ہضم نہیں ہورہی،عطااللہ تارڑ

اسلام آباد(بیورورپورٹ)وفاقی وزیراطلاعات ونشریات عطا تارڑ نے آکھیا اے کہ سارے معاشی اعشاریے مثبت نیں، پاکستان دی ترقی ملک دشمناں نوں ہضم نہیں ہورہی، سیاسی تے بیرونی دشمناں نوں کامیاب نہیں ہون دیاںگے۔اسلام آباد وچ وفاقی وزیر اطلاعات عطاتارڑ نے پریس کانفرنس کر دیاں ہویاں آکھیا کہ دشمن چا ہندے نیں کہ پاکستان وچ امن قائم نہ ہوئے ، اَت گردی دی ایس جنگ وچ فوج، عسکری ادارے تے پلس جاناں دے نذرانے پیش کررہی اے ، چینی باشندیاں نوں سکیورٹی دتی جارہی اے تے ہمیشہ دتی جائے گی، اَت گردی نوں جڑوں اُکھاڑ سُٹاں گے۔اونہاں نے آکھیا کہ وزیراعظم نے آکھیا کہ بشام واقعے دے ملزماں نوں کیفرکردار تک پہنچایا جائے گا، وزیراعظم نے یقین دہانی کرائی کہ میرے بالاں توں وَدھ کے چینی ورکراں دی حفاظت کیتی جائے گی۔