خیبرپختونخوا دے91ترقیاتی منصوبے ختم کرن اُتے علی امین گنڈاپورداوزیراعظم نوں خط
پشور(بیورورپورٹ)خیبر پختونخوا دے91ترقیاتی منصوبے ختم کرن اُتے وزیراعلی علی امین گنڈاپور نے وزیراعظم نوں خط لکھ دتا۔وزیراعلی خیبرپختونخوا علی امین گنڈاپور ولوں وزیراعظم شہباز شریف نوں لکھے گئے خط وچ آکھیا گیا کہ سالانہ منصوبہ بندی کمیٹی دے فیصلیاں توں شدید مایوسی ہوئی، پی ایس ڈی پی توں91ترقیاتی منصوبے کڈن نال صوبہ متاثر ہوئے گا۔خط وچ لکھیا گیا اے کہ قومی اقتصادی کمیٹی اجلاس وچ فیصلہ ہویا سی کہ جاری منصوبیاں نوں ترجیحی بنیاداں اُتے مکمل کیتا جائے گا، جاری منصوبیاں نوں کڈنا ایس آئی ایف سی تے قومی اقتصادی کونسل دے فیصلیاں دی خلاف ورزی اے۔وزیراعظم شہباز شریف نوں لکھے گئے خط وچ آکھیا گیا کہ وفاقی حکومت ولوں ترقیاتی منصوبیاں نوں ختم کرن نال صوبے دی محرومیاں ودھن گیاں، وفاق پی ایس ڈی پی اُتے نظرثانی کر کے ساریاں صوبیاں نوں ترقیاتی پروگرام وچ مقررہ حصہ دیوے۔
