شیخ رشید نے آرمی چیف توں عام معافی دے اعلان دا مطالبہ کردتا

راولپنڈی (بیورورپورٹ)سابق وزیرداخلہ تے سربراہ عوامی مسلم لیگ شیخ رشید نے آرمی چیف جنرل عاصم منیر توں عام معافی دے اعلان دا مطالبہ کردتا ۔ اونہاں نے آکھیا کہ لوگ اینہاں کیساں دی شکل وچ مرگئے نیں، سب بے گناہاں نوں عام معافی ملنی چا ہیدی۔ شیخ رشید نے ڈسٹرکٹ کورٹ باہر میڈیا نال گل بات کر دیاں ہویاں آکھیا کہ سیاست نہیں ہوسکدی کیونکہ فارم 45 تے 47 دی لڑائی گڑھے وچ لے کے جائے گی، معیشت دی تباہی گڑھے وچ لے کے جائے گی، عالیہ تے صنم جاوید نوں روز جیلاں پھرائیاں جارہیاں نیں۔اونہاں نے آکھیا کہ جناب عاصم منیر تے ڈی جی آئی ایس آئی توں اپیل کردا ہاں،بے گناہ لوکاںنوں عام معافی دین، ایہ کہن نوں کیس ہُندا اے، جَدوں آدمی صبح کورٹ آ کے شامیںگھر جاندا اے تے لگ پتہ جاندا اے، موجودہ حکومت دی حیثیت گنگو تیلی توں وَدھ نہیں اے۔