عمران خان داسپریم کورٹ نوں مذاکرات بارے خط لکھن دا فیصلہ

اسلام آباد(بیورورپورٹ)سپریم کورٹ دے بانی پی ٹی آئی نوں ہورسیاسی جماعتاں نال گل بات دے مشورہ اُتے عمران خان نے سپریم کورٹ نوں مذاکرات دے حوالے نال خط لکھن دا فیصلہ کر لیا۔ذرائع مطابق عمران خان نے آکھیا کہ خط ملک نوں درپیش معاشی مشکلاں تے سیاسی عدم استحکام ختم کرن لئی لکھ رہیا ہاں، ملک نوں درپیش سنگین معاشی تے سیاسی عدم استحکام ختم کرن لئی ہر سنجیدہ فریق نال گل بات کرن نوںتیار نیں۔ذرائع نے دسیا خط دے نکات وچ دسیا گیا ہر اوہ فریق جیہڑے معاشی وسیاسی مسائل حل کرن دی استطاعت رکھدا ہوئے اوس نال گل بات لئی تیار نیں، الیکشن مینڈیٹ دی واپسی،9 مئی جوڈیشل انکوائری سنے ہور سیاسی کیساں وچ فیئر ٹرائل کیتا جائے، بانی پی ٹی آئی نے خط دا ضروری متن نوٹ کروا دتا۔واضح رہے کہ نیب ترمیم کیس وچ ججاں نے بانی پی ٹی آئی نوں ہور سیاسی جماعتاں نال گل بات دامشورہ د تا سی۔