یقین ہو گیا اے کہ ٹیم وچ وڈھی سرجری دی لوڑاے، محسن نقوی

نیویارک(نیوزڈیسک) پی سی بی دے چیئرمین محسن نقوی نے ٹی20ورلڈ کپ وچ بھارت ہتھوں شکست دے بعد ٹیم وچ وڈھی تبدیلی دا اشارہ دے دتا۔میچ دے بعد صحافیاں نال گل کر دیاں ہویاں محسن نقوی دا کہنا سی کہ لگدا سی کہ کرکٹ ٹیم دا چھوٹی سرجری نال کام چل جائے گا لیکن بھارت خلاف انتہائی خراب کارکردگی بعد یقین ہوگیا اے کہ ٹیم وچ وڈھی سرجری دی لوڑ اے۔اونہاں نے آکھیا کہ پاکستانی کرکٹ ایس ویلے اپنی سب توں گھٹ درجہ دی پر فارمنس اُتے اے۔ ساڈھا سب توں وڈھا چیلنج ٹیم دی کارکردگی بہتر بنانا اے۔محسن نقوی نے اشارہ دتا کہ قوم قومی کرکٹ ٹیم وچ چھیتی وڈھی سر جری ہُندی ویکھو گے، اسیں چیمپئنز ٹرافی لئی ٹیم تیار کرنی اے تے ویلا آگیا کہ باہر بیٹھے نویں ٹیلنٹ نوں وی موقع دتا جائے۔