شوگر ایڈوائزری بورڈ نے چینی برآمد کرن دی اجازت دے دتی
اسلام آباد(بیورورپورٹ) شوگر ایڈوائزری بورڈ نے ڈیڑھ لکھ ٹن چینی برآمد کرن دی اجازت دے دتی اے۔ذرائع دے مطابق وفاقی حکومت نے وَدھ چینی برآمد کرن دی اجازت دین دی تیاری کر لئی اے تے پہلے مرحلے وچ ڈیڑھ لکھ میٹرک ٹن چینی برآمد کرن دی اجازت دین دا فیصلہ کیتا گیا اے۔ذرائع داکہنا اے کہ چینی برآمد کرن لئی سمری چھیتی ای سی سی وچ پیش کرن دا فیصلہ کیتا گیا اے، ہور چینی برآمد کرن دا فیصلہ مارکیٹ وچ چینی دی قیمت نوں مد نظر رکھ کے کیتا جائے گا۔ذرائع دا کہنا اے کہ چینی دی ایکس مل قیمت140روپے فی کلو توں اُتے نہیں جان دتی جائے گی۔
