امریکی جیل وچ قرآن پڑھن اُتے ڈاکٹر عافیہ نوں شاک لائے جا ندے نیں، فوزیہ صدیقی

کراچی( بیورورپورٹ)معروف ڈاکٹر فوزیہ صدیقی امریکا وچ قید اپنی بہن ڈاکٹر عافیہ صدیقی نال ملاقات دے بعد وطن واپس پہنچ گئیاں۔ڈاکٹر فوزیہ صدیقی نے امریکا توں وطن واپسی دے بعد کراچی ایئرپورٹ اُتے میڈیا نال گل بات کر دیاں ہویاںآکھیا کہ وطن واپسی اُتے اللہ دا شکر اے، امریکا دے 2 دورے ایسے ہوئے کہ کوئی لکھاں روپے دیوے تَد وی نہ جاواں، واشنگٹن وچ کجھ لوکاں نال ملی، عافیہ لئی کوششں کیتی۔اونہاں نے روندیاں ہویاں دسیا کہ عافیہ نال ملاقات لئی پہلے دن کمرے وچ لے گئے، شیشے والا کمرہ سی، لیکن فون خراب سی، اسیںآکھیا کہ فون صحیح کرو تے اونہاں نے آکھیا کہ صحیح کرن لئی پیچ کس موجود نہیں، اسیں چیخ چیخ کے گل کرن دی کوشش کیتی، وکیل وی نال سن۔