علی امین گنڈاپوردے بیان کامیڈی شوہُندے نیں،فیصل کنڈی

پشور(بیورورپورٹ)گورنر خیبر پختونخوا فیصل کریم کنڈی نے آکھیا اے کہ وزیرِ اعلی علی امین گنڈاپور دے بیان کامیڈی شو ہُندے نیں۔میڈیا نال گل بات کر دیاں ہویاں فیصل کریم کنڈی نے آکھیا کہ اک گل تے واضح اے کہ این آر او نہیں ملنا، میدان وی حاضر اے، گھوڑا وی حاضر اے، نچنے والے گھوڑے میدان وچ نہیں دوڑ دے۔اونہاں نے آکھیا کہ میں جس گورنر ہائوس وچ ہاں آئین تے قنون مطابق ایس دا تحفظ کراں گا، وزیرِ اعلی دے بیان سن دے ہاں تے مزا آندا اے،اسیں ریلیکس ہو جا ندے ہاں، وزیرِ اعلی نوںچا ہیدا اے سنجیدگی نال عوامی مینڈیٹ اُتے عمل کرن۔فیصل کریم کنڈی نے آکھیا کہ صوبے دے حالات دن بدن خراب ہو رہے ہیں، لوگ اغوا ہو رہے نیں۔