پاکستان دی پارلیمنٹ چائلڈ لیبر ختم کرن لئی پرعزم اے،سردارایازصادق

اسلام آباد (بیورورپورٹ)سپیکر قومی اسمبلی سردار ایاز صادق نے آکھیا اے کہ چائلڈ لیبر کسی وی صورت قابل قبول نہیں اے ، بال ایس ملک دا مستقبل نیں تے کسی نوں وی اونہاں دی صلاحیت، وقار تے حقوق توں محروم کرن دی اجازت نہیں دتی جاسکدی،پاکستانی پارلیمنٹ بالاں دی مزدوری ختم کرن لئی پرعزم اے۔ اونہاں نے ایہ وی آکھیا کہ بالاں دی مزدوری ختم اونہاں دے روشن مستقبل نوں یقینی بنان لئی ناگزیراے۔ اونہاں نے آکھیا چائلڈ لیبر ختم کرن دے عالمی دن اُتے آکھیا، جیہڑا ہر سال 12 جون نوں منایا جا ندا اے۔سپیکر نے اپنے پیغام وچ ایس گل دی نشاندہی کیتی کہ چائلڈ لیبر اک سنگین مسئلہ اے جیہڑاعالمی سطح اُتے لکھاں بالاںدی جسمانی تے ذہنی نشوونما نوں نقصان پہنچا رہیا اے۔ اونہاں نے تعلیم، سماجی تحفظ دے پروگراماں تے بالاں لئی حفاظتی اقدام وچ سرمایہ کاری دی لوڑ اُتے زور دتا۔