چین دا دورہ کامیاب رہیا، سی پیک ٹو اُتے کم تیزی نال اگے وَدھے گا، وزیراعظم

اسلام آباد(بیورورپورٹ)وزیراعظم شہباز شریف نے آکھیا اے کہ چین دا دورہ کامیاب رہیا، سی پیک ٹو اُتے کم تیزی نال اگے ودھے گا۔وفاقی کابینہ اجلاس وچ گل بات کر دیاں ہویاں وزیراعظم شہباز شریف دا کہنا سی کہ سی پیک ٹو منصوبے اُ تے تفصیلی گل بات ہوئی، بوہت چھیتی چین توں اعلی سطح دا وفد پاکستان آئے گا، اللہ تعالی نے ساہنوں موقع دتا اے کہ چین نال رشتے جوڑو تے مضبوط کرو۔اونہاں نے آکھیا کہ احسن اقبال، اسحاق ڈار، سیکرٹری فنانس تے ہوراں نے بہترین کم کیتا، کامیاب دورے اُتے تمام کابینہ اراکاناں دا شکر گزار ہاں۔وزیراعظم شہباز شریف دا ہور کہناسی کہ دورہ چین وچ سکیورٹی بارے معاملات ایجنڈے وچ سرفہرست سن، چینی باشندیاں دی سکیورٹی بارے چینی حکومت نوں یقین دہائی کرائی گئی اے۔