عدالت نے سپریم کورٹ دے حکم اُتے میڈیا رپورٹنگ دی اجازت دے دتی
اسلام آباد(بیورورپورٹ)اسلام آباد ہائی کورٹ نے سپریم کورٹ دے حکم اُتے میڈیا رپورٹنگ دی اجازت دے دتی۔چیف جسٹس اسلام آباد ہائیکورٹ عامر فاروق نے الیکٹرانک میڈیا وچ عدالتی رپورٹنگ اُتے پابندی دے پیمرا نوٹیفکیشن خلاف کورٹ رپورٹرز تے صحافتی تنظیماں دی درخواستاں اُتے سماعت کیتی۔پیمرا نوٹیفکیشن خلاف پاکستان فیڈرل یونین آف جرنلسٹس دی درخواست نوں وی یکجا کر کے سماعت کیتی گئی، درخواست گزاراں ولوں ہائیکورٹ بار دے صدر ریاست علی آزاد تے عادل عزیز قاضی عدالت وچ پیش ہوئے۔چیف جسٹس عامر فاروق نے آکھیا کہ الیکٹرانک میڈیا سپریم کورٹ فیصلے وچ دتی گئی گائیڈ لائنزمطابق رپورٹنگ کر سکدا اے۔ریاست علی آزاد ایڈووکیٹ نے آکھیا کہ ہُن بے شک جنہی مرضی لمبی تریخ دے دیو۔
