پاکستانی معیشت دی بحالی آئی ٹی نال جڑی اے،عطا تارڑ

اسلام آباد(بیورورپورٹ)وفاقی وزیر اطلاعات عطا تارڑ نے آکھیا اے کہ پاکستانی معیشت دی بحالی آئی ٹی نال جڑی ہوئی اے۔وفاقی وزیر اطلاعات عطا تارڑ نے اسلام آباد وچ پریس کانفرنس کر دیاں ہویاںآکھیا کہ اسیں اک ذمہ دار ملک ہاں،اسیں جنگ نہیں امن چاہندے ہاں، ساڈھا ملک 90فیصد آلودگی توں متاثر ہویااے۔اونہاں نے آکھیا کہ پاکستان دی خارجہ پالیسی ہور بہتر کیتی جارہی اے، مشرق وسطی پاکستان نوں اتحادی سمجھدا اے،اسیں ساریاں ملکاں دے نال چنگے تعلقات ودھانا چاہندے ہاں ، ساڈھیاں ایران دے نال سرحداں نیں ،ایرانی صدر دا دورہ پاکستان انتہائی کامیاب رہیا،ایرانی صدر نے 10ارب تک سرمایہ کاری ودھان اُتے اتفاق کیتا عطا تارڑ دا کہنا سی کہ سعودیہ عرب دے اعلی سطح دے وفد نے پاکستان دا دورہ کیتا جیہڑا ساڈھے لئی بوہت اہمیت رَکھدا اے ، سعودی عرب نے وی پاکستان نوںتجارت دے ودھا لئی ارباں روپے دی سرمایہ کاری دی یقین دہانی کرائی اے ۔