اسحاق ڈار دی بطور ڈپٹی وزیراعظم تعیناتی خلاف درخواست،کابینہ ڈویژن نے جواب جمع کرادتا

اسلام آباد(بیورورپورٹ)اسلام آباد ہائی کورٹ وچ کابینہ ڈویژن نے اسحاق ڈار دی بطور ڈپٹی وزیراعظم تقرری بارے جواب عدالت وچ جمع کروا دتا۔ اسلام آباد ہائیکورٹ دے چیف جسٹس عامر فاروق نے اسحاق ڈار دی بطور ڈپٹی وزیراعظم تعیناتی خلاف دائر درخواست اُتے سماعت کیتی ، کابینہ ڈویژن نے عدالت وچ جواب جمع کراد تا، کابینہ ڈویژن نے اپنے جواب وچ آکھیا اے کہ ڈپٹی پرائم منسٹر دا کوئی آفس قائم نہیں کیتا گیا، ڈپٹی وزیراعظم دا عہدہ اعزازی اے ۔درخواست گزار دے وکیل ریاض حنیف راہی نے آکھیا کہ اسحاق ڈار دی حیثیت ایس کیس وچ بینفشری کیتی اے، ایس طرح دے کیس دی فائلاں دفتر وچ پئیاں رہندیاں نیں، ڈپٹی پرائم منسٹر دا عہدہ کسی قنون تحت نہیں، دوہری تعیناتیاں بیروزگاری دا وی استحصال اے، عدالت دوہری تعیناتیاں اُتے فیصلہ دے کے اپنے وجود نوں تسلیم کروا سکدی اے۔عدالت نے کیس دی سماعت ملتوی کردتی۔