وزیراعلی پنجاب نے لہور وچ ٹریفک رسپانس یونٹ لانچ کردتا
لہور(پنجابی میڈیا)وزیراعلی پنجاب مریم نواز شریف نے لہور وچ ٹریفک رسپانس یونٹ لانچ کردتا۔ایس موقع اُتے وزیراعلی مریم نواز نے ٹریفک رسپانس یونٹ بائیک دا معائنہ کیتا تے وارڈن نال گل بات ، ٹریننگ تے ہوراں کماں بارے دریافت کیتا، اونہاں نے ٹریفک جام دی صورت وچ پبلک ایڈریس ذریعے میسج دا وی مشاہدہ کیتا۔ٹریفک رسپانس یونٹ دی لانچنگ بعد وزیراعلی مریم نوازدی زیر صدارت ٹریفک مینجمنٹ اُتے اُچیچا اجلاس منعقد ہویا، وزیراعلی نے لہور وچ ٹریفک دی روانی بہتر بنان لئی ڈیڈ لائن مقرر کردتی، اجلاس وچ ٹریفک دی روانی وچ حائل ریڑھیاں ہٹان دا فیصلہ کیتا گیا،وزیراعلی مریم نواز نے ریڑھیاں لئی متبادل جگہ فراہم کرن دی ہدایت کیتی۔وزیر اعلی مریم نوازشریف نے لین لائن ڈسپلن ہر صورت یقینی بنان تے رکشہ تے موٹر بائیک نوں لین دی پابندی لئی آگاہی مہم چلان دی وی ہدایت کیتی۔
