عورتاں دے شناختی کارڈ اُتے والد دے ناں لئی قواعد وچ ترمیم داحکم

لہور(پنجابی میڈیا)لہور ہائی کورٹ نے عورتاں دے قومی شناختی کارڈ اُتے والد دا ناں برقرار رکھن لئی امیگریشن ڈیپارٹمنٹ قواعد وچ ترمیم دا حکم دے دتا۔لہور ہائی کورٹ نے محکمہ امیگریشن تے پاسپورٹ نوں ہدایت دتی اے کہ اوہ عورتاںنوں کمپیوٹرائزڈ قومی شناختی کارڈ تے پاسپورٹ اُتے اپنے والد دا ناں رکھن دی اجازت دین والے قنون وچ 3مہیناں وچ ترمیم مکمل کرے۔جسٹس عاصم حفیظ نے ایہ حکم مہر بانو لنگڑیال ولوں دائر درخواست اُتے سنایا، درخواست وچ آکھیا گیا سی کہ اک ویاہی عورت نوں اپنی شناختی کارڈ اُتے اپنے والد دا ناں رکھن دا حق اے۔