کسی نوں مینڈیٹ چا ہیدا ہوئے یا رہائی ، اوس دا رستہ مذاکرات ہی نیں،رانا ثنا اللہ

لہور( پنجابی میڈیا)وزیراعظم دے مشیر برائے سیاسی امور رانا ثنا اللہ دا کہنا اے کہ کسی نوں مینڈیٹ چا ہیدا ہوئے یا رہائی ، اوس دا رستہ مذاکرات ہی نیں۔رانا ثنا اللہ نے آکھیا کہ محمود خان اچکزئی ہون یا مولانا فضل الرحمان ، اونہاں دے ن لیگ تے پیپلز پارٹی دی قیادت نال چنگے تعلقات نیں ۔ اگر ساہنوں معلوم ہوئے کہ اوہ ملن دی خواہش رکھدے نیں تے اسیں خود وی اونہاں نال رابطہ کرسکدے ہاں ۔ رانا ثنا اللہ نے آکھیا کہ سوال ہی پیدا نہیں ہُندا کہ ایہ مذاکرات لئی اگے ودھن تے ساڈھے ولوں اوس اُتے انکار ہوئے لیکن ایہ کہنا کہ پہلاں اینج کرو تے ایہ کرو ، اوس دے بعد مذاکرات ہون گے ۔ پارلیمانی تے جمہوری نظام وچ مذاکرات غیر مشروط ہونے چا ہیدے نیں۔ اونہاں نے آکھیا کہ ساڈھیاںرپورٹاں نیں کہ پی ٹی آئی اک نوا9مئی کرن دی تیاری کر رہی اے تے اوس دی پیش بندی لئی جو ضروری اے اوہ ہوئے گا ۔رانا ثنا اللہ دا کہنا سی کہ ایس ویلے اعتماد دا بحران عروج اُتے اے ، اداریاں اندر جیہڑی وَنڈ نظر آرہی اے اوہ ایسی صورتِ حال نہیں جس اُتے اطمینان ظاہر کیتاجاسکے۔