حکومت نے معیشت تباہ کر دتی،کئی اعداد و شمار مصنوعی طور اُتے ودھائے،عمرایوب

اسلام آباد(بیورورپورٹ)اپوزیشن لیڈر عمر ایوب نے آکھیا اے کہ حکومت نے معیشت تباہ کر دتی اے، کئی اعداد و شمار مصنوعی طور اُتے ودھائے۔اپنے چیمبر وچ میڈیا نال گل بات کردیاں عمر ایوب نے آکھیا کہ آئندہ مالی سال وی گروتھ ریٹ تھلے جائے گی، ملکی تریخ وچ گھٹ ترین سرمایہ کاری ہوئی اے، زراعت بارے حکومتی دعوے غلط نیں، کنک دی فصل تباہ ہوگئی لوگ ویچ نہیں پا رہے، بمپر کراپ حکومت تے کساناں نوں فائدہ نہیں دے رہی۔عمر ایوب نے آکھیا کہ ہُن چاول دا وی بحران آئے گا، ایران نال پٹرول سمگلنگ دی جگہ چاول سمگل ہوئے گا، اونہاں نے آکھیا کہ افراط زر وچ کمی نہیں آئی ہور وَدھی اے، عالمی مارکیٹ وچ تیل دی قیمت گھٹ ہوئی مگر عوام نوںفائدہ نہیں مل رہیا۔