بجٹ وچ اک وارفیر تنخواہ دار طبقے اُتے بوجھ پایاگیا،حافظ نعیم الرحمان

لہور(پنجابی میڈیا)امیر جماعت اسلامی حافظ نعیم الرحمان نے آکھیااے کہ بجٹ وچ اک وار فیر تنخواہ دار طبقے اُتے بوجھ پایا گیا اے۔اپنے بیان وچ حافظ نعیم الرحمان دا کہناسی کہ پرائیویٹ کمپنیاں تنخواہواں ودھان یا نہ ودھان مگر انکم ٹیکس ودھایاگیا، آخر وڈھے جاگیرداراںنوں ٹیکس نیٹ وچ کیوں نہیں لیایا جاندا؟مڈل کلاس دی کمرتوڑو تے اشرافیہ نوں بچائو، بدقسمتی نال ہر حکمران جماعت دی ایہی پالیسی رہی اے۔اونہاں نے آکھیا کہ ایس وار وی آئی ایم ایف دی غلامی دی دستویزاں نوں بجٹ دا ناں دتا گیا، حکمران آئی ایم ایف نال قومی مفاد نوں مدنظر رکھ کے مذاکرات دی جرات نہیں رکھدے، حقیقت وچ میز دے دوناں پاسے سامراج دے نمائندے بیٹھے ہُندے نیں۔