38کھرب دے وَدھ ٹیکس داآئی ایم ایف دا گلہ گُھٹن والا بجٹ پیش کردتا گیا،شیخ رشید

لہور(پنجابی میڈیا گروپ) سابق وزیر داخلہ شیخ رشید احمد نے آکھیا اے کہ 38کھرب دے وَدھ ٹیکس دا آئی ایم ایف دا گلہ گُھٹن والا بجٹ پیش کر دتا گیا اے ،قربانی توں4دن پہلاں غریب دی قربانی کر دتی گئی اے،شہباز شریف دا تریجا بجٹ سی جس وچ ریلیف دی بجائے عوام نوں تکلیف دتی گئی ۔ اپنے بیان وچ شیخ رشید نے آکھیا کہ ویکھنا ایہ اے کہ پیپلز پارٹی ایس بجٹ خلاف کیہ کردار ادا کر دی اے ،معاشی طور اُتے مرے ہوئے لو کاں نوں ہور مار دتا گیا اے، آئی ایم ایف دے کہن اُتے پٹرول اُتے 60روپے توں لیوی 80روپے کر دتی گئی اے ،تنخواہ دار طبقے نوں وی ٹیکس توں معاف نہیں کیتا گیا ،میں اپنی گل پھر دہراندا ہاں کہ 2مہینے بڑے اہم نیں ،اگست وچ کٹی کٹا نکل آئے گا۔