شہبازشریف دا رستہ کٹھن ضرورمگر ناممکن نہیں،وزیرمملکت

اسلام آباد(بیورورپورٹ)وزیر مملکت خزانہ علی پرویز ملک نے آکھیا اے کہ شہباز شریف نے جیہڑا رستہ اختیارکیتا اے اوہ کٹھن ضرور اے مگر ناممکن نہیں، عام آدمی نوں مہنگائی توں پہنچن والی تکلیف دا احساس اے۔علی پرویز ملک دا کہنا سی تنخواہ دار طبقے اُتے ٹیکس نیٹ نہ ودھاندے تے ٹیکس کس اُتے لاندے؟ ماضی وچ خسارے پورے کرن لئی نوٹ چھاپے گئے جدکہ مختلف اوقات وچ قرض لے کے وی خسارے پورے کیتے جاندے رہے، بجٹ وچ سب توں وَدھ سبسڈی پاور سیکٹردی گئی اے۔علی پرویز ملک دا کہنا اے کہ مقدس گائے اوہ ہندی اے جیہڑی سسٹم توں باہر نکل کے آمدنی پیدا کر رہی ہوئے تے ٹیکس نہ دے رہی ہوئے، پاکستان دے علاوہ ارجنٹینا دی حکومت وی آئی ایم ایف دے کول قرض لین جاندیاے۔اونہاں نے آکھیا کہ شہباز شریف100گنا ریلیف دینا چاہندے سن، جدوں خسارہ ودھ ہُندا اے تے اوس لئی تُسی نوٹ چھاپو یا قرض لے کے اگلی نسلاں اُتے بوجھ پائو، تنخواہ دار طبقے وچ امیر طبقہ وَِدھ ٹیکس پاروں ملک چھڈ کے جا رہیا سی۔