وزیراعظم دی فضل الرحمان نوں سیاسی مسائل حل کرن لئی کمیٹی تشکیل دین دی تجویز
اسلام آباد(بیورورپورٹ)وزیراعظم شہباز شریف نے مولانا فضل الرحمان نوں باہمی تعاون نال سیاسی مسائل حل کرن لئی کمیٹی تشکیل دین دی تجویز پیش کر دتی۔وزیراعظم شہباز شریف سربراہ جمعیت علما اسلام(ف)دی رہائش گاہ اُتے پہنچے جیتھے مولانا فضل الرحمان نے اونہاں دا خیر مقدم کیتا، ملاقات وچ مولانا عطا الرحمان، مولانا عبد الواسع تے ہور وی رَلتی سن۔ایس موقع اُتے وزیراعظم نے مولانا فضل الرحمان دی خیریت دریافت کیتی تے سربراہ جے یو آئی دی دینی خدمتاں نوں سراہیا، شہباز شریف نے آکھیا کہ مولانا فضل الرحمان نے ہمیشہ جمہوری اقدار دی حفاظت لئی پُرامن جد وجہد نوں ودھادتا۔وزیراعظم نے مولانا فضل الرحمان نوں سیاسی مسائل دے باہمی تعاون نال حل لئی کمیٹی تشکیل دین دی تجویز پیش کیتی۔
