لہورہائیکورٹ داالیکشن ٹریبونلز دی تشکیل دا فیصلہ سپریم کورٹ وچ چیلنج

اسلام آباد(بیورورپورٹ)الیکشن کمیشن نے لہور ہائیکورٹ داالیکشن ٹریبونلز دی تشکیل دا فیصلہ سپریم کورٹ وچ چیلنج کرد تا۔سپریم کورٹ وچ لہور ہائیکورٹ دے8الیکشن ٹریبونلز دا معاملہ، الیکشن کمیشن نے لہور ہائیکورٹ دے جسٹس شاہد کریم دے فیصلہ خلاف اپیل دائرکردتی۔اپیل وچ الیکشن کمیشن نے سپریم کورٹ توں لہور ہائیکورٹ دا فیصلہ معطل کرن دی استدعا کیتی اے ،اپیل وچ موقف اختیارکیتاگیا اے کہ لہور ہائیکورٹ دا فیصلہ قنون دے برخلاف اے ، الیکشن ٹربیونلز دی تشکیل الیکشن کمیشن دا اختیار اے لہذا ہائیکورٹ الیکشن کمیشن دے اختیار استعمال نہیں کرسکدی۔اپیل وچ عدالت توں استدعا کیتی گئی اے کہ سپریم کورٹ لہور ہائیکورٹ دے فیصلے نوں کالعدم قرار دیوے تے اپیل نوں کل سماعت لئی مقرر کیتا جائے۔واضح رہے کہ لہور ہائیکورٹ نے 8الیکشن ٹریبونلز تشکیل دین دا فیصلہ دتا سی ، لہور ہائیکورٹ دے فیصلے اُتے چیف جسٹس شہزاد ملک نے پچھلے دناں8ٹریبونلز دی تشکیل دے حکم جاری کیتے سن۔