وزیر اعلی پنجاب نے بجٹ دستاویز25-2024 اُتے دستخط کردتے

لہور(پنجابی میڈیا)وزیر اعلی پنجاب مریم نوازشریف نے بجٹ دستاویز 25-2024 اُتے دستخط کردتے۔وزیر اعلی پنجاب مریم نواز دی زیر صدارت بجٹ دی منظوری بارے اجلاس ہویا،اجلاس وچ کابینہ نے بجٹ دی منظوری دے دتی ۔اجلاس نال گل بات کر دیاں ہویاں وزیراعلی پنجاب مریم نواز دا کہنا سی کہ نویں بجٹ وچ کوئی نوا ٹیکس نہیں لایا گیا تے نہ ہی موجودہ ٹیکس دی شرح ودھائی گئی، بجٹ وچ گھٹ توں گھٹ اجرت 32ہزار توں ودھا کے37ہزار روپے کرن دی منظوری دتی گئی اے۔اونہاں نے آکھیا کہ تنخواہواں وچ20 توں25فیصد تے پنشن وچ15فیصد ودھا ہوئے گا، بجٹ وچ ترقیاتی منصوبیاں لئی842 ارب روپے دے فنڈز تجویز دی منظوری وی دتی گئی اے، کساناں لئی ٹریکٹرز سکیم لئی30ارب روپے رکھن دی تجویزوی شامل اے۔