مسلم لیگ ن تے پی پی پی مذاکرات دی اندرونی کہانی سامنے آگئی
اسلام آباد(بیورورپورٹ)مسلم لیگ ن تے پی پی پی مذاکرات دی اندرونی کہانی سامنے آگئی ، پیپلزپارٹی نے ن لیگ دے نال کیتے گئے معاہدے دی کتاب کھول دتی۔ذرائع مطابق پیپلز پارٹی شکوہ کناںاے کہ حکومت دا حصہ بنن والے معاہدے اُتے ن لیگ عمل نہیں کر رہی، جس وچ پنجاب وچ پی پی پی نوں درپیش مسائل سرفہرست ، ن لیگ مفاہمتی معاہدے اُتے عملدرآمد وچ غیر سنجیدہ اے۔ذرائع دا کہنا اے کہ پیپلز پارٹی دا مطالبہ اے کہ ن لیگ مفاہمتی معاہدے اُتے عملدرآمد یقینی بنائے، پنجاب وچ پیپلزپارٹی نوں انتظامی امور وچ نظر انداز کرن اُتے تحفظات نیں ، پنجاب وچ انتظامی افسراں دی تقرریاں، ترقیاتی منصوبیاں وچ پی پی نوں نظر اندازکیتا جا رہیا اے۔ذرائع مطابق حالیہ بجٹ اُتے وی پی پی پی نوں اعتماد وچ نہیں لیا گیا، بجٹ تجویز وچ پی پی نوں منسوب کرنا، بلاول بھٹونوںاعتماد وچ لین دی افواہواں اُتے وی پیپلز پارٹی دے تحفظات نیں۔
