سارے اشارے دَس رہے کہ معیشت بہتری وَل جارہی اے،عطا تارڑ

اسلام آباد(بیورورپورٹ)وفاقی وزیراطلاعات و نشریات عطااللہ تارڑ داکہنا اے کہ مہنگائی دی شرح گھٹ ہورہی اے،سارے اشاریے دَس رہے نیں کہ معیشت بہتری وَل جارہی اے۔وفاقی وزیر اطلاعات نے پریس کانفرنس کر دیاں ہویاں آکھیاکہ جدوں حکومت آئی اکنامک انڈیکیٹرز بہتری وَل گئے نیں، پچھلے کجھ ورھے ساڈھے لئی ضرور مشکل سن، ڈیفالٹ دے دہانے توں واپس آئے، اک دن اسیں دنیا دی ٹاپ معیشتاں وچ ہواں گے۔اونہاں نے آکھیا کہ دنیا دے ترقی یافتہ ملک پاکستان وَل ویکھ رہے نیں، پاکستان دی68فیصد آبادی نوجواناںاُتے مشتمل اے،بہتر مستقبل لئی نوجواناںنوںآئی ٹی سکلزدینی ہوئے گی، آئی ٹی ،منرلز تے ہور شعبیاں وچ پاکستانی نوجواناں دی لوڑاے۔