آئی ایم ایف دا نویں مالی سال دے بجٹ اُتے اظہار اطمینان

اسلام آباد(بیورورپورٹ) عالمی مالیاتی فنڈ (آئی ایم ایف )نے نویں مالی سال دے بجٹ اُتے اطمینان ظاہر کردتا۔ذرائع مطابق آئی ایم ایف دے مطالبے اُتے بجٹ وچ سارے ٹیکس استثنا ختم کرن دی تجویز دتی گئی اے۔ بجٹ وچ3 ہزار ارب روپے توں وَدھ دا ٹیکس استثنا ختم کرن دی تجویز اے۔ ٹیکس نیٹ وچ توسیع لئی ایف بی آر دی انفورسمنٹ نوں ودھایا گیا۔آئندہ مالی سال 3 ہزار 800 ارب روپے توں وَدھ ٹیکس محصولات حاصل کیتے جان گے۔ حکومت دا آئی ایم ایف دی پیشگی شرطاں اُتے عملدرآمد نال نوا پروگرام چھیتی طے ہون تے آئی ایم ایف نال اسٹاف لیول معاہدہ جون وچ طے پان دا امکان اے آئی ایم ایف دے مطالبے اُتے تنخواہ دار طبقے اُتے انکم ٹیکس نوں عالمی معیار مطابق کردتا گیا۔ آئی ایم ایف دی تجویز اُ تے ٹیکس چوری روکن لئی ٹیکنالوجی دا استعمال کیتا جائے گا۔