گالم گلوچ دا کلچرہُن ختم تے نہیں ہو سکداپَرگھٹ ضرور سکدا اے،چیف جسٹس

اسلام آباد(بیورورپورٹ)چیف جسٹس سپریم کورٹ قاضی فائز عیسی نے آکھیا اے کہ گالم گلوچ داکلچر ہُن ختم تے نہیں ہو سکدا لیکن گھٹ ضرورسکدا اے۔سپریم کورٹ، پریس ایسوسی ایشن آف سپریم کورٹ دی حلف برداری تقریب نال خطاب کر دیاں ہویاں چیف جسٹس قاضی فائز عیسی دا کہنا سی کہ عدالتی رپورٹنگ بوہت مشکل کم اے، کئی ویلے عدالتی رپورٹنگ وچ ایسا ایسا ماضی دا پس منظر بیان کیتا جاندا اے جیہڑااسیں بُھل چکے سَاں۔اونہاں نے آکھیا کہ میں وی بوہت ورھے پہلاں لکھیا کردا ساں، میری والدہ سعیدہ قاضی عیسی وی آرٹیکل لکھدیاں رہیاں، اوس زمانے وچ بوہت تحقیق دے بعد لکھیا جاندا سی، اج کل دا زمانہ بوہت آسان ہو گیا اے فون چُکو تے جو کہنا اے کہ دیو۔چیف جسٹس دا کہنا سی کہ چنگا لکھن لئی پڑھنا وی ضروری اے، گالم گلوچ دا کلچرہُن ختم تے نہیں ہو سکدا لیکن گھٹ ضرور ہو سکدا اے، میں سب توں پہلے میڈیا قنون مرتب کر کے اوس نوں کتاب دی شکل وچ چھاپیا۔