حکومت معیشت مضبوط کرن لئی نجی شعبیاں نوں سہولتاں دیوے گی، وزیراعظم

اسلام آباد(بیورورپورٹ)وزیراعظم شہبازشریف نے آکھیا اے کہ حکومت معیشت دی بحالی لئی نجی شعبے نوں ساریاں سہولتاں فراہم کرے گی۔وزیراعظم محمد شہباز شریف نال سابق گورنر سٹیٹ بینک رضا باقر نے عالمی شہرت یافتہ کنسلٹنسی فرم دے وفد دے ہمراہ ملاقات کیتی، وفد نے پاکستان وچ بین الاقوامی سرمایہ کاری نوں ہور وسعت دین بارے تجویزاں پیش کیتیاں۔شہباز شریف نے آکھیا کہ پاکستان وچ ساریاں شعبے خصوصا معدنیات تے توانائی وچ سرمایہ کاری دے لامحدود موقعے موجود نیں۔اونہاں نے آکھیا کہ دوست ملکاں دے نال سرمایہ کاری دے معاہدیاںنوں معروف عالمی فرماں دی مشاورت نال مکمل کیتا جائے تے حکومت دے حجم وچ کمی تے نظام حکومت نوں موثر بنان لئی وی اونہاں نال مشاورت کیتی جائے، ملکی معیشت دی ترقی وچ نجی شعبے دا کلیدی کردار اے۔ملاقات وچ وفاقی وزیر برائے منصوبہ بندی تے ترقی احسن اقبال، وفاقی وزیر برائے اقتصادی امور احد خان چیمہ، وفاقی وزیر برائے پٹرولیم مصدق ملک، وفاقی وزیر خزانہ محمد اورنگزیب خان، وفاقی وزیر توانائی اویس احمد خان لغاری، وزیر مملکت برائے خزانہ علی پرویز ملک، وزیر مملکت برائے آئی ٹی شزا فاطمہ خواجہ تے متعلقہ اداریاں دے اعلی افسراںرَلت کیتی۔