پاکستان حکومت دی نصف توں وَدھ آمدنی سود اُتے خرچ ہوئے گی،موڈیز
اسلام آباد(بیورورپورٹ)بین الاقوامی ریٹنگ ایجنسی موڈیز نے پاکستانی بجٹ اُتے تبصرہ کر دیاں ہویاں پاکستانی بجٹ آئی ایم ایف پروگرام لئی مذاکرات وچ مددگار قرار دے دتا۔اپنی رپورٹ وچ موڈیز دا کہنا سی کہ شرح نمو دا ہدف3.6فیصد رکھنا آئی ایم ایف نوں خوش کرن دی کوشش اے جدکہ حکومت دی نصف توںوَدھ آمدنی سود دی ادائیگی اُتے خرچ ہوئے گی، مہنگائی پاروں سماجی تنائو دوبارہ پیدا ہوسکدا اے، مہنگائی دے اصلاحی پروگرام اُتے اثرپین دے امکان موجود نیں۔موڈیز دا ہور کہنا سی کہ اصلاح اُتے قائم رہنا بجٹ لئی اہم ہوئے گا، اتحادی حکومت دے کول مضبوط الیکٹورل مینڈیٹ نہ ہون نال اصلاح مشکل اے۔
