ساہیوال ٹیچنگ ہسپتال وچ اگ:وزیراعلی پنجاب دے حکم اُتے چاروں ڈاکٹرگرفتار
ساہیوال(بیورورپورٹ)ساہیوال ٹیچنگ ہسپتال وچ اگ لگن نال بالاں دے ہلاک ہون اُتے وزیراعلی پنجاب مریم نواز دے حکم اُتے چاراں ڈاکٹراں نوں گرفتارکرلیا گیا۔وزیر اعلی پنجاب مریم نوازاج ساہیوال ٹیچنگ ہسپتال پہنچیاں جیتھے اونہاں نے اگ لگن نال بالاں دے ہلاکت ہون بارے معلومات لئی ،وزیر اعلی پنجاب مریم نواز دی آمد اُتے ٹیچنگ ہسپتال وچ سکیورٹی دے سخت انتظام کیتے گئے، پلس نے مریضاں ، لواحقیناں تے تیمارداراںنوں ہسپتال داخل ہون توں روک دتا۔وزیر اعلی پنجاب مریم نواز دی4 گھنٹے لمبی انکوائری اجلاس وچ پرنسپل ، ایم ایس ، اے ایم ایس تے ایڈمن افسر توںپچھ گچھ کیتی گئی۔
