غیرقنونی بھرتیاں دا کیس: پرویز الہی اُتے اج وی فرد جرم عائد نہ ہو سکی

لہور(پنجابی میڈیا)سابق وزیراعلی پنجاب چودھری پرویز الہی اُتے غیرقنونی بھرتیاں دے کیس وچ اج وی فرد جرم عائد نہ ہوسکیا ۔لہوردی اینٹی کرپشن عدالت وچ چودھری پرویز الہی خلاف غیرقنونی بھرتیاں دے کیس دی سماعت ہوئی، اینٹی کرپشن عدالت دے ڈیوٹی جج ارشد حسین بھٹہ نے کیس اُتے سماعت کیتی۔رہنما پاکستان تحریک انصاف چودھری پرویز الہی بیماری پاروں عدالت وچ پیش نہ ہوئے، وکیلاں ولوں سابق وزیراعلی دی حاضری معافی دی درخواست دائر کیتی گئی۔دوران سماعت چودھری پرویز الہی دا میڈیکل سرٹیفکیٹ وی اینٹی کرپشن کورٹ وچ پیش کیتا گیا جس وچ آکھیا گیا کہ ڈاکٹراں نے پرویز الہی نوں سفر کرن توں روک رکھیا اے، سابق وزیراعلی دی پسلی دا فریکچر اجے ٹھیک نہیں ہویا۔